ज्याकसनया मृत्युइ चिकित्सक दोषी

नांजाम्ह पप स्टार माइकल ज्याकसनया मदुगुया जिम्मेवार ज्याकसनया हे नीजि चिकित्सक जूगु ठहर याःगु दु । निन्हु तक न्ह्याःगु बहस लिपा ज्याक्सनया नीजि चिकित्सक डाक्टर कोर्नोड मुर्रे दोषी जूगु ठहर लस ऐजेल्स अदालतं याःगु दु । सन् २००९ जुन २५य् मदुम्ह ज्याक्सनयात शक्तिशाली बेहोस जुइगु वासःएनस्थिसि प्रोपोपोल बिउगु खः । अदालतया उगु फैसला लिपा आः ५८दँया मुर्रेयात प्यदँया जेल सजाय सहित वया डाक्टरया लाइसेन्स रद्द याइगु धाःगु दु । जेलय् छ्वयाबिउम्ह मुर्रेयात नोभेम्बर २९ तारिख कुन्हु सजाय न्यंकीगु जूगु दु ।

More Stories Like this