म्याद थप न्ह्यः कांग्रेसया नेतृत्वय् सरकार दयेकीगु खुलासा
येँ (झीगु स्वनिगः)
नेपाली कांग्रेसया नेतृ सुजाता कोइरालां मंसीर १४ गते लिपा कांग्रेसया नेतृत्वय् सरकार दयेकेगु जुइ धकाः धयादीगु दु । वय्कलं कांग्रेसया नेतृत्वय सरकार दयेकेगु ज्या जुल धाःसा जक संविधानसभाया म्याद थप जुइ मखुसा छु जुइ धकाः धाये फैगु अवस्था मदु धकाः स्पष्ट सयानादीगु दु । नेतृ कोइरालां म्हिगः सोमवाः धनुकटाय् कांग्रेसया कार्यकर्तातय्गु भेलाय् सम्वोधन यायेगु झ्वलय् अथे धयादीगु खः ।
वय्कलं दलया नेतातय्गु दथुइ जूगु सहमतिया आधारय् अथे संविधानसभाया म्याद थप याये न्ह्यः हे कांग्रेसया नेतृत्वय् सरकार दयेकेगु ज्या जुइ धकाः धयादीगु खः ।
नेतृ कोइरालां अथे न्वंवानादीवं कांग्रेसया नेतातय्सं प्रमुख दलया नेतातय्गु मुँज्याय् संविधानसभाया म्याद थप याये न्ह्यः हे कांग्रेसया नेतृत्वय् सरकार दयेकेमाः धकाः लडान कयाच्वंगु खँ स्पष्ट जूगु दु ।
