लुक्लाय् अलपत्र यात्रु चिकुयाः विरामी
येँ (सन्ध्या टाइम्स)/विमान मब्वयाः लुक्लाय् अपलत्र जुयाच्वंपिं यात्रुत आः धमाधम विरामी जुइगु नं सुरु जुया वःगु दु। छखे मौसम खराब व चिकुगु नं आकाझाकां अप्वया वःगुलिं अन च्वनाच्वंपिं विदेशी यात्रुत विरामी नं जुया वःगु खः। लुक्लाया छगू जक अस्पतालय् उपचार याकः वइपिं यात्रुतय् ल्याः अप्वया वःगु खँ अस्पताल सूत्रं धाःगु दु। अलपत्र जूपिं यात्रुतय्त हेलिकप्टरपाखें समेत उद्धार यायेगु ज्या न्ह्यानाच्वंगु दु ।
