खड्गी सेवा समितिया भिंतुना कालबिल

येँ (सन्ध्या टाइम्स)/नेपाल संवत् ११३२ न्हूदँया लसताय् नेपाल खड्गी सेवा सेवा समितिपाखें शनिवाः भिंतुना कालबिल व तुच्चा ज्याझ्वः यात। खड्गी सेवा समितिया नायः मनोज नेवाः खड्गीया सभापतित्वय् जूगु उगु ज्याझ्वलय् प्रमोद शाहीं लसकुस यानादीगु खःसा माओवादी, नेपाली कांग्रेस, एमाले, नेपाः राष्ट्रिय पार्टीया नेतात व सभासद्तय् उपस्थिति दुगु खः। लिसें नेपालभाषा आन्दोलनया आपालं न्ह्यलुवा व कार्यकर्तातय्सं नं तुच्चाय् ब्वति काःगु खः। उगु हे ज्याझ्वलय् नेवाः भोलिन्टियर्सपाखें खड्गी सेवा समितिया निगू शाखाया मिसा पुचःयात झिद्वः तका ग्वाहालि लिसें मोटरसाइकल र्‍यालीइ ग्वाहालि याःपिं सुभाय्पौ लःल्हायेगु ज्या नं जूगु खः ।