नेवाः प्रेस दबूया तुच्चा ज्याझ्वः
यल (सन्ध्या टाइम्स)/ नेवाः प्रेस दबू नेपाः केन्द्रीय समितिपाखें नेसं ११३२ न्हूदँया लसताय् तुच्चा ज्याझ्वः यात।
ज्याझ्वलय् पुलांम्ह मन्त्री पम्फा भुषालं जातीय अधिकारया लागिं नेवाःत थः जक दनां मगाः थःपिं नापं मेमेगु जातियात नं थनेमाः धयादिल। सभासद् राजकाजी महर्जनं सांस्कृतिक रुपं न्ह्यचिलाच्वंपिं झी नेवाःत आः वयाः राजनीतिक रुपं नं न्ह्यचिला च्वनेमाःगु खँ कनादिल ।
नेवाः प्रेस दबूया नायः नरेन्द्र श्रेष्ठया सभापतित्वय् जूगु उगु ज्याझ्वलय् सल्लाहकार मोतिलाल शिल्पकार, नरेन्द्रबहादुर राजभण्डारी, सुरेश शाही, प्रेस दबू येँया नायः मोक्षबहादुर अमात्य व मू छ्याञ्जे विनोद रंजितकारपिसं भिंतुना देछानादीगु खः। ज्याझ्वलय् भाषा ख्यःया मेपिं नं थीथी व्यक्तित्वपिनि उपस्थिति दुगु खः ।
