आन्दोलन यायेगु ख्याच्वः
येँ (झीगु स्वनिगः)
नेपाःया आदिवासी जनजातितय्गु मंकाःगु संगठन नेपाल आदिवासी जनजाति महासंघया नायः राजकुमार लेखीं न्हूगु संविधानय् उत्पीडित जातीय समुदायया माग सम्वोधन मयात धाःसा आन्दोलन यायेगु ख्याच्वः बियादीगु दु । महासंघया कार्तिक २४ व २५ गते सिन्धुपालचोकय् जुइगु सम्मेलयना बारे जानकारी बिइत म्हिगः आइतवाः अनामनगरया जनसञ्चार अभियानय् ग्वसाःग्वःगु पत्रकार सम्मेलनय् नायः लेखीं अथे धयादीगु खः । वय्कलं न्हूगु संविधानय् यक्व हे विषयसं दलतय्गु दथुइ सहमति जुइ, न्हूगु संविधानय् यक्व हे विषयसं नेतातय्गु दथुइ सहमति जुइ धुंकूगु जूसां राज्य पुनर्संरचनाया सवालय् आः तक नं खँ मिले जुयाच्वंगु मदु धकाः धयादिल । वय्कलं गबले तक जनजातिया अधिकार वइमखु अबले तक गुगु नं हालय्त देशय् शान्ति वइमखु धकाः धयादिल ।
जनजातितय्गु सम्मेलनं वर्तमान राजनीतिक अवस्था, जनजातितय्गु हक अधिकार नापं आः म्हितेमाःगु भूमिकाया बारे नं सहलह जुइ धकाः पत्रकार सम्मेलनय् जनाकारी ब्यूगु खः ।
