खुसिबालं थाइल्याण्डय् सीपिनि ल्याः न्यासः थ्यन

उत्तरी थाइल्याण्डय् वःगु खुसिबालं सीपिनि ल्याः न्यासः स्वयां अप्व थ्यंगु दु । थाइल्याण्डया अधिकारीतय्सं स्वला तक वाः वयाः वंगु खुसिबालं न्यासः व खुम्ह सीधुंकूगु खँ धाःगु दु । छेँबुँ नष्ट यायेगु नापं द्वलंद्वः मनूतय्त छेँ बिहीन याःगु खुसिबालं एक तिहाइ थाई प्रान्तत प्रभावित याःगु दु ।

खुसिबाया हुनिं प्रभावित जूगु क्षेत्रयात हानं बल्लाकेत सरकारं नकतिनि छगू अर्ब भाटया पुनःनिर्माण योजना सार्वजनिक याःगु दु । थाई प्रधानमन्त्री यिनलक सिनावात्रां उगु ध्यबा छेँ बिहीन जूपिनि छेँ दनेत व आर्थिक अवस्थायात सुधार यायेत खर्च यायेगु खँ धयादीगु दु । सिनावात्रां थाई जनतां यक्व दुखःसिउगुलिं थुगु ज्या पीन्यान्हुया दुने क्वचायेकीगु खँ धयादिल ।

More Stories Like this