तां बस कुतुंवनाः निम्ह सित, ७ म्ह घाःपाः

येँ (सन्ध्या टाइम्स)/मनकामनां नारायणपुर वनाच्वंगु यात्रुबाहक बस थौं दाङ जिल्लाया चौलाहीया अनर्वा मोडय् दुगु तां कुतुंवनाः निम्ह यात्रु घटनास्थलय् हे सीगु दु। उगु दुर्घटनाय् लानाः मेपिं ७ म्ह गम्भीर घाःपाः जूगु दु। मध्यपश्चिम क्षेत्रीय प्रहरी कार्यालय, सुर्खेतं बिउगु जानकारी कथं थौं सुथय् ५ बजे जुयाः १० मिनेट वंकाः रा १ ख ५१८ नम्बरया बस तां कुतुंवनाः दुर्घटना जूगु खः। उगु दुर्घटनाय् लानाः बस चालक युवराज विक व पर्वत नांम्ह सहचालक सीगु खः। अथे हे सीता सिजवाल, सुवास खड्का, लक्ष्मण शाह, सुनिल विक व सीता केसी नापं मेमेपिं घाःपाः जूगु खः ।