अलपत्रय् लाःपिनिगु उद्धार सुरु
येँ (सन्ध्या टाइम्स)/मौसम खराब जुयाः खुन्हु न्ह्यवंनिसें हवाई उडान अवरुद्ध जुयाः सोलुखुम्बुया लुक्लाय् अलपत्रय् लानाच्वंपिं स्वीन्यासःसिबें अप्वः पर्यटकतयगु उद्धार यायेगु ज्या सुरु जूगु दु। उद्धारया नितिं थौं सुथय् हे लुक्लाय् थ्यंकःवंगु सिमि्रक एयरया विमानं च्याम्ह पर्यटकतय्त येँय् हःगु दु। उद्धारया निंतिं नेपाली सेनाया हेलिकप्टर नापं तारा, फिस्टेल व मेमेगु कम्पनीया हेलिकप्टर नं लुक्लाय् थौं वनी धकाः धाःगु दु ।
