भाः थकाःगु विरुद्ध विद्यार्थीतपाखें चक्काजाम

येँ (सन्ध्या टाइम्स)/सरकारं सार्वजनिक सवारी साधनय् भाः थकाःगु विरोधय् थौं रत्नराज्य लक्ष्मी क्याम्पसया अनेरास्ववियुपाखें चक्का जाम याःगु दु। क्याम्पस न्ह्यःने प्रदर्शनी मार्ग लागाय् विद्यार्थीतय्सं बाघौ तक चक्काजाम याःगु खः। थ्व हे दथुइ थीथी राजनीतिक दलया झिंस्वंगू विद्यार्थी संगठनं मंकाः कथं सार्वजनिक सवारी साधनय् भाडा थकाःगुया विरोध यानाः तत्काल थकाःगु भाः लितकायेत माग याःगु दु ।