सार्कया बारे राष्ट्रपति व प्रमया दथुइ भेटवार्ता
येँ (सन्ध्या टाइम्स)/ प्रमुख स्वंगू दल नापं मधेसी मोर्चाया शीर्ष नेतातय् दथुइ ७ बुँदाया सहमति जुइ धुंकाः न्हापांखुसी प्रधानमन्त्री डा. बाबुराम भट्टराई व राष्ट्रपति डा. रामवरण यादवया दथुइ थौं सुथय् भेटवार्ता जूगु दु। राष्ट्रपति निवासय् थौं सुथय् बाघौ तक जूगु उगु भेटवार्ताया झ्वलय् सार्क सम्मेलनय् थः सहभागी जुइगु बारे जानकारी बियादीगु खः। भेटवार्ताया झ्वलय् सार्क सम्मेलनय् नेपाःपाखें ल्ह्वनेगु एजेन्डाया बारे नं संक्षिप्तं सहलह जूगु खः ।
