भिक्षु तपस्सीधम्मयात श्रीलंकाय् हना
येँ (सन्ध्या टाइम्स)/ विश्व बौद्ध भिक्षु महासंघया च्याक्वःगु सम्मेलन नकतिनि श्रीलंकाय् क्वचाल। उगु सम्मेलनय् बुद्ध धर्मय् विशेष योगदान बिउपिं झिगू देशया ल्याय्म्हपिं भिक्षुपिंत हनेगु ज्या नं जूगु खः ।
मुक्कं ४५ गू देशय् शाखा दुगु थुगु महासंघया उगु सम्मेलनय् नेपाःया बुद्ध धर्मय् विशेष योगदान बियाबिज्याःम्ह भिक्षु तपस्सीधम्मयात नं हंगु खः। नेपाः बाहेक ज्याझ्वलय् श्रीलंका, थाइल्याण्ड, मलेसिया, ताइवान, जापान, भुटानया ल्याय्म्ह भिक्षुपिंत हनेगु ज्या जूगु खः। थुकियालिसें बुद्ध धर्मय् योगदान बियावयाच्वंपिं भिक्षुपिंत न्यादँय् छक्वः धम्मपुत्र अवार्ड बीगु यानावयाच्वंगु खःसा थुगुसी नीस्वंगु "नोबल बुद्ध पुत्र अवार्ड" श्रीलंकाया प्रधानमन्त्रीं नेपाःया भिक्षु तपस्सीधम्मयात लःल्हानादीगु खः। थुगु अवार्ड बुद्ध धर्म च्वन्ह्याकेगु ज्याय् योगदान बिउपिं हस्तीतय्त न्यादँय् छक्वः बीगु खः ।
