७१ न्हु लिपा पारपाचुका

इहिपा जूगुयां ७१ न्हु लिपा हे हलिउड कलाकार किम कार्दशियनं पार कायेगु घोषणा याःगु दु। ३१ दँ दुम्ह किमं ७१ न्हु न्ह्यः तिनि
'इ !' नांगु टिभी ज्याझ्वः चले याइम्ह कलाकार क्रिसलिसे इहिपा याःगु खः।
थःपिनि दथुइ 'समाधान हे याये मफइगु विवाद' वःगु कारणं नापं च्वने मफयाः पारपाचुके त्यनागु खँ आः नक तिनि हे जक किमं धाःगु खः। उखे भाःतम्ह क्रिसं नं थःपिनि डिभोर्स जुइत्यंगु खँ थःगु ट्विटरय् स्वीकार याःगु दु।
किमं भाःतलिसे पार काये त्यनागु घोषणा याये खतं इहिपा व इन्गेजमेन्टया इलय् क्रिसं न्ह्याकूगु अंगू नं त्वयेधुंकूगु दु। नकतिनि हे अष्ट्रेलिया वनेत विमानस्थल थ्यंकः वःम्ह किमया ल्हातय् छपाः हे अंगू मखनेवं मनूतय्सं उमि दथुइ बांमलाक हे स्वापू स्यने धुंकूगु अनुमान याःगु खः। लुमंकेबहः जू, छुं ई न्ह्यः तिनि यौन लिप्त भिडियो सार्वजनिक जुयाः किम चर्चाया विषय जूगु खः गुगु आः तक नं क्वमचाःनि।

More Stories Like this