विज्ञ पुचः बारे नेवाःतय् सरोकार
येँ (सन्ध्या टाइम्स)/प्यंगू दल दथुइ नकतिनि जूगु न्हय्गू बुँदाया सहमतिइ राज्य पुनर्संरचनाया सवालय् विज्ञतय्गु पुचः दयेकेगु खँ न्ह्यथना तःगुलिं नेवाः स्वायत्त राज्य मंकाः संघर्ष समितिं उकी थःपिनि सरोकार क्यनीगु जूगु दु।
थौं सुथय् च्वंगु संघर्ष समितिया बैठकं विज्ञ पुचः बारे सरोकार क्यँसें प्रमुख दलया नेता, सभामुख व प्रधानमन्त्रीयाथाय् डेलिगेशन वनेगु, नेवाः सभासद्तलिसे सहलह ब्याकेगु निर्णय याःगु दु। वइगु मंसीर ३ गते मिसापिंत नेवाः स्वायत्त राज्य बारे प्रशिक्षण बीगु निर्णय नं याःगु दु।
