प्रमया माल्दिभस भ्रमण स्वीकृत / न्याम्ह प्रहरी अधिकृत एआईजीइ बढुवा
सरकारं प्रधानमन्त्री डा. बाबुराम भट्टराईया माल्दिभ्स भ्रमणयात स्वीकृत याःगु दु । कात्तित २४ व २५ गते माल्दिभसया राजधानी मालेय् जुइगु सार्क शिखर सम्मेलनय् ब्वति कायेगु निंतिं प्रधानमन्त्रीया भ्रमण स्वीकृत याःगु खः । प्रधानमन्त्री भट्टराई सम्मेलनया निंतिं झिंछम्ह दुजःया नेतृत्व यानादीसें माले वनीगु ज्याझ्वः दु ।
बिहीवाः सुथय् च्वंगु मन्त्रिपरिषदया मुँज्यां सशस्त्र प्रहरीया एआईजीइ दुर्जकुमार राई, विषवदेव भट्टराई व जीवनकुमार थापायात बढुवा याःगु दुसाः नेपाल प्रहरीया एआईजीइ नवराज ढकाल व भीष्म प्रसाईंयात बढुवा याःगु दु ।
अथेहे मुँज्यां रेडियो नेपाल विकास समितिया कार्यकारी अध्यक्षय् तपनाथ शुक्लाया म्याद निदँ थप याःगु दु । महिला अयोगया अध्यक्षय् चाँदतारा कुमारीयात नियुक्त याःगु दु । अथेहे गरिवी निवारण कोषया दुजलय् डा. कुलबहादुर रोयाय, अखिलेश्वर दास, कमला राई, बसन्बहादुर टेलर व दुर्गा न्यौपानेयात नियुक्त याःगु दु ।
