लडाकु पुनवर्गिकरणया कार्यतालिका निन्हुया दुने दयेकेत निर्देशन

सेना समायोजन विशेष समितिं लडाकु पुनवर्गिकरणया कार्यतालिका निन्हुया दुने दयेकेत सचिवालययात निर्देशन बिउगु दु । विशेष समितिया बुधवाः च्वंगु मुँज्यां प्रमुख दलत दथुइ सेना समायोजन बारे जूगु सहमतियात लसकुस यासें मेगू वाःनिसें लडाकुतय् पुनवर्गिकरण न्ह्याकेगु निर्णय याःगु दु ।

प्रमुख दलत दथुइ जूगु सहमतिइ छवाःया दुने पुनवर्गिकरणया ज्या न्ह्याकेगु व मंसिर ७ गतेया दुने उकियात क्वचायेकेगु खँ न्ह्यथनातःगु दु ।