उद्योग वाणिज्य महासंघया समर्थन

येँ (सन्ध्या टाइम्स)/स्वंगू तःधंगु दल व मधेसी मोर्चा दथुइ म्हिगः जूगु सहमतियात नेपाल उद्योग वाणिज्य महासंघं नं लसकुस याःगु दु। संघपाखें थौं छगू विज्ञप्ति पिकासें थ्व सहमतिपाखें देशयात तःधंगु प्रशव वेदनापाखें मुक्ति बीगु आशा व्यक्त यानातःगु दु। थ्व सहमतिपाखें देशय् न्हूगु संविधान दयेकेगु लँपु नं चाला वंगु दु धासें विज्ञप्तिइ आः थ्व सहमतियात छुं नं व्यवधान पिमकासे कार्यान्वयन यायेगुपाखे सकलें दलत गम्भीर जुइगु लागिं इनाप यानातःगु दु ।