मुन व प्रचण्ड नापलायेगु क्वःछित
येँ (सन्ध्या टाइम्स)/माओवादी अध्यक्ष प्रचण्डं थ्वहे वइगु कार्तिक २२ गते संयुक्त राष्ट्र संघया महासचिव बान कि मुनयात नापलाइगु जूगु दु। लुम्बिनी विकास राष्ट्रिय निर्देशन समितिया संयोजक तकं जुयादीम्ह प्रचण्डं बृहत्तर लुम्बिनी विकास गुरुयोजना तयार यायेत अन्तर्राष्ट्रिय सहयोग मुंकेगु झ्वलय् प्रचण्ड व नेपाली कांग्रेसया नेता मिनेन्द्र रिजाल आः वइगु शनिवाः न्यूयोर्क वनाः मुनयात नापलायेगु ज्याझ्वः दयेकूगु खः। मुन नापलायेगु ग्वसाः थौं सुथय् तिनि दयेकूगु खः ।
