नेवाः भाय्या न्हूगु वाःपौ 'नेवाः सन्देश'
येँ(सन्ध्या टाइम्स)/ म्हिगःनिसें नेवाः भाय्या न्हूगु वाःपौ कथं 'नेवाः सन्देश' पिदंगु दु। सोमवाः पतिकं पिदनीगु उगु वाःपौया प्रकाशक सम्पादक त्रैलोक्यमान बनेपाली खःसा प्रधान सम्पादक बदन शर्मा, कार्यकारी सम्पादक रुपा महर्जन(श्रेष्ठ) व व्यवस्थापक विशाल महर्जन खः। वंगु न्हूदँनिसें बसन्त महर्जनया सम्पादनय् खस नेपाली भासं 'नेवाः टाइम्स' नांगु वाःपौ नं पिहां वःगु दु।
