थौं छठया मू न्हि

येँ(सन्ध्या टाइम्स)/पूर्वी नापं मध्ये तराई जिल्लाया हिन्दूतय्सं हनीगु छठ नखःया थौं प्रमुख दिं। थौं सुर्द्यः लुकुं बीगु इलय् अर्घ बीगु ज्या जुइ। छठ नखः हनेत येँया रानी पुखू लगायत थीथी खुसिइ सुथंनिसें तराईवासीतय्गु मेला जूगु दु। छठ पर्व तराई लागाय् च्वंपिं नेवाःतय्सं नं भक्तिपूर्वक हनेगु याः। छठया अप्सं च्वनीपिंसं स्वन्ति न्ह्यवंनिसें हे ला, ख्यें, न्या नइ मखु।