मतया भाः थकायेत प्राधिकरणया सिफारिस

येँ (सन्ध्या टाइम्स)/नेपाल विद्युत प्राधिकरणं मतया भाः थकायेगु लागिं विद्युत शुल्क निर्धारण समितियात सिफारिस याःगु दु। प्राधिकरणं मतया भाः ४४ प्रतिशत तक थकायेमाः धकाः समितियात सिफारिस याःगु खः।
प्राधिकरणं २०५८ सालंनिसें मतया भाः थकाःगु मदुनि। उकिं आः थ्वहे दँय् भाः थकायेगु लागिं थ्व सिफारिस याःगु खः। शुल्क निर्धारण समितिं नं भाः थकायेगु लागिं पहल सुरु याःगु खँ सीदुगु दु। थुकिया लागिं समितिं थीथी निकायलिसे खँल्हाबल्हा ब्याकूगु दु।