गोदाम मिं नयाः स्वंगू करोड नोक्सान

येँ(सन्ध्या टाइम्स)/नारायणगढया आनन्द मार्गय् च्वंगु दन्तकाली किराना पसःया गोदाम तयातःगु छेँ मिं नयाः आपालं धनमाल नष्ट जूगु दु। भरतपुर, हेटौंडा व बीरगञ्जया स्वंगः दमकल हयाः थौं सिथय् ७ बजे जक मि स्यायेफुगु खः।
घ्यः, चिकं, जाकि व चिनीया गोदाम यानातःगु उगु छेँय् चान्हय् विद्युत सर्ट जुयाः मि च्याःगु अनुमान याःगु दु। मिँ नःगु छेँय् २४ कू क्वथा दु। घटना बारे प्रहरीं अनुसन्धान यानाच्वंगु दु। उकी लानाः करिब स्वंगू करोड तका बराबरया धनमाल नष्ट जूगु अनुमान याःगु दु।