खास्तिइ मोटरसाइकल र्याली
येँ (सन्ध्या टाइम्स)/खास्ति नेवाः पुचःया ग्वसालय् वंगु कछलाथ्व पारु कुन्हु मोटरसाइकल र्याली जुल। उगु र्याली खास्ति त्वालं न्ह्यानाः बौद्ध, चाबही आदि चाःहिलाः पिपलबोटय् च्वंगु कुशल पार्टी प्यालेसय् तुच्चा यासें क्वचायेकूगु खः। मोटरसाइकल र्याली धुंकाः जूगु तुच्चा ज्याझ्वःया झ्वलय् चिठ्ठा कार्यक्रम नं जूगु खः । न्हूदँ कुन्हु सुथसिया ८ ताः इलय् खास्तिइ छगू नसंचा उलेज्या नं जूगु खः। नसंचा क्वचायेकाः दँय्दसं थें बौद्ध गेटय् भराय्पागु मन्दः च्वयाः ब्वज्या यायेगु ज्या नं जूगु खः ।
