थौं माओवादीपाखें न्हूदँया तुच्चा

येँ (सन्ध्या टाइम्स)/नेपाल संवत् ११३२ न्हूदँया लसताय् थौं एकीकृत माओवादीपाखें तुच्चा ज्याझ्वः याइगु जूगु दु। न्हिनय् १ बजेनिसें येँया भृकुटीमण्डप लागाय् जुइगु उगु तुच्चा ज्याझ्वलय् माओवादी नापं थीथी दलया शीर्ष नेतात उपस्थित जुइगु खँ दु। अथे हे नेपाल संवत् न्हूदँया लसताय् कन्हय् माओवादीया एकीकृत जातीय मोर्चा नेवाः राष्ट्रिय मुक्ति मोर्चा नेपाःपाखें नं भिंतुना ज्याझ्वः याइगु जूगु दु। अथे हे न्हूदँया लसताय् प्रधानमन्त्री डा. बाबुराम भट्टराईपाखें नं कन्हय् हे तुच्चा ज्याझ्वः यायेत्यंगु दु ।