बौद्ध समूहया आपत्ति

येँ (सन्ध्या टाइम्स)/बुद्ध जन्मभूमि लुम्बिनी विकासया लागिं सरकारं आः नकतिनि वृहत् लुम्बिनी विकास राष्ट्रिय निर्देशक समिति गठन यायेगु ज्या व सन् २०१२यात 'लुम्बिनी भ्रमण वर्ष' घोषणा यायेगु ज्याय् सुं नं सरोकारवालातलिसे सहलह तकं मयाःगु खँयात कयाः युवा बौद्ध समूहपाखें आपत्ति प्वंकूगु दु। समहूपाखें थन छगू वक्तव्य पिकासें सरकारपाखें याःगु थ्व घोषणा सकारात्मक खःसां थ्व ज्याय् लुम्बिनी विकासया ज्याय् ताः ई न्ह्यवंनिसें सक्रिय जुयाच्वंगु गुगुं नं संस्था वा व्यक्तिलिसे स्वापू तकं मतःगुलिं आः जूगु घोषणा ताःलाये थाकुइफुगु खँय् नं सचेत याःगु दु। वक्तव्यय् जापानी वास्तुकलाविद् प्रो. केन्जो तांगें दयेकूगु गुरुयोजनां पिहां वनाः लुम्बिनीइ ज्या जुइ मजिउगु खँ नं धयातःगु दु ।