नेवाः संकिपा दयेकेमाल
थौंनिंनिसें अन्तर्राष्ट्रिय आदिवासी जनजाति फिल्म महोत्सव शुरु जूगु दु । थज्याःगु आदिवासीतय् निंतिं गर्व यायेबहगु इलय् नं नेपालभाषाया बांलाःगु फिल्म दयेकेफुपिं धाःसा दुनेसं च्वनाः अज्याःगु फिल्म पित हयेगुली लिउने लानाच्वंगुलिं थन छुं भचा असन्तोष प्वंकाच्वना । नेवाःत फिल्म लागाय् न्ह्यःने हे दु धाःसां छुं पाइ मखु । लगानी यायेफुपिं नं खः । अथे जुयाः हे 'सिलु', 'राजमति' नापं नेवाः फिल्मत दयेकाः क्यन ।
देशय् फिल्म महोत्सव जुयाच्वंगु इलय् धाःसा 'ग्वाय्मरु' छगू बाहेक मेगु न्हूगु फिल्म हे दयेकूगु मदु थें च्वंक छगू ल्याखं मेमेपिं जनजातितय् दथुइ झी नेवाः जनजातितय् इज्जत हे मदुपिं थें तायेके मालाच्वंगु दु । थीथी भाषां थीथी फिल्मत निर्माण याः थें नेवाः न्ह्यलुवात हे जानाः नेवाः फिल्मत धमाधम दयेकेगु शुरु यायेमाल । न्हापांनिसें फिल्म दयेकेगु ज्याय् लगे जुयाच्वंपिं दुर्गालाल रामशेखर नापं न्हून्हूगु पुस्तापाखें हे नं अज्याःगु भिं ज्याय् ल्हाः तयेमाःगु खनेदु । मखुत धाःसा झीगु भाषायात आधुनिक ढंगं विकास यायेगु भिंगु ज्याय् झी हाकनं छपलाः लिउने हे लानाच्वनीगु खनेदु ।
सागर बनमाला परिवर्तन प्रशिक्षण शिविर ख्वप ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
