बौद्ध समाजयात भिंतुना

सम्पादकजु

शान्ति नायक तथागत बुद्धया विशुद्ध मानवतावादी ज्ञान दर्शनं विश्वन्यंकं हा कयावंगु खँ सुनानं मखु धाये फइ मखु । अथेहे झीगु देय् बुद्धभूमि देय् गन झी जन्म जुइखंगु हे सौभाग्य खः । उकिं झीगु गर्व हे तायेकेमाः । भगवान बुद्धं कनाबिज्याःगु मानवतावादी ज्ञान दर्शनं आः नं गुलिं मनूत ब्यागलं लानाच्वंगु दु । थथे च्वनेमाःगु म्हाइपुगु खँ खः । अथे जूगुलिं उगु ज्ञान दर्शनं झी आः ब्यागलं च्वने मजिल । थ्व खँ वाःचायेकाः उगु ज्ञान दर्शनयात समाजय् इना बीगु यायेमाल । थुगु ताः तयाः बौद्ध ग्रन्थ प्रकाशन याना वनेगु ताः तयाः ख्वप देशय् बौद्ध दर्शन अध्ययन समाज नांगु पुचः नं खने दयेकः वल । थ्व गर्वया खँ खः । ख्वप नगरपालिकाया पुलांम्ह मेयर ज्ञानबहादुर न्याइच्याईया अध्यक्षताय् थुगु पुचः स्वंगु खः । थुगु पुचःया सकल दुजःपिंत झीगु दुनुगलंनिसें भिंतुना दु । साधुवाद दु । भलसा दु छिकिपंसं थुगु भिं ज्याय् छुं स्वार्थया लँय् तमक्यँसे झी व झीगु समाजया बुलुसेच्वंगु सामाजिक संस्कारयात चिकाः उगु ज्ञान दर्शनं धाःथें जीवनय् छ्यला वनेफयेमा नापं छिकपिनिगु पुचःया आज्जु नं अवश्य नं पूवने फयेमा ।

धर्मरत्न शाक्य
अध्यक्ष युवा बौद्ध पुचः ख्वप ।

More Stories Like this