कात्तिप्याखंया निंतिं थौं नासः पुजा

यल (सन्ध्या टाइम्स)/वइगु मंगलवाःनिसें न्ह्याइगु कात्तिप्याखंया नितिं थौं नासः पुजा याःगु दु। थौंसिबें ३७१ दँ न्ह्यवंनिसें दँय्दसं यलया कात्ति दबुलिइ थ्व प्याखं क्यनेगु याना वयाच्वंगु खः। थुगुसी नं थ्व प्याखंया निंतिं माःगु सकतां तयारी पूरा जूगु कार्तिक नाच प्रवन्ध समितिया व्यवस्थापक नापं निर्देशक हरिमान श्रेष्ठं जानकारी बियादीगु दु ।