अमेरिकाय् न्हूदँ ज्याझ्वः
येँ (सन्ध्या टाइम्स)/अमेरिकाया क्यालिफोर्नियास्थित शान्तारोजाय् नं थुगुसी न्हूदँ कुन्हु हे न्हूदँ ज्याझ्वः न्यायेकल। सान्फ्रान्सिस्कोय् च्वंपिं नेवाःत मुनाः वंगु विहीवाः छगू ज्याझ्वः यासें न्हूदँ न्यायेकेगु नापं मंकाः रुपं म्हपुजा नं याःगु खः। अन च्वंपिं नेवाःतय्सं चायेकातःगु 'नेवाः पुचः'या ग्वसालय् उगु ज्याझ्वः जूगु खः। ज्याझ्वलय् ८० म्ह नेवाःतय्सं ब्वति काःगु खः। न्हिनय् सकस्यां सिन्हः तिनाः छगू चीधंगु सांस्कृतिक र्याली नं पिकाःगु खःसा बहनी लाखे प्याखं नापं दुथ्याकाः छगू सांस्कृतिक ज्याझ्वः नं याःगु खः। उकुन्हु हे बहनी नेवाः भ्वय् नयेगु ज्या जूगु खः ।
