न्हूदँ ११३२या लसताय् देय् दबूया भिंतुना
नेवाः देय् दबूलिं नेपाल संवत् ११३२ न्हूदँया लसताय् सकल नेपाःमिपिंत प्रगति, सम्बृद्धि नापं भिंउसाँय् व ताःआयुया कामना याःगु दु ।
न्हूदँ ११३२या लसताय् देय् दबूया नायः नरेश ताम्राकारं छगू प्रेस विज्ञप्ति पिथना नेपाल संवत् ११३२य् नेवाःतय् मंकाः म्हगसः नेवाः स्वायत्त राज्य नीस्वनेगु व नेवाः स्वायत्त राज्यं पिने मेमेगु राज्य च्वनीपिं नेवाःतय्त हरेक थासय् समावेशी व समानुपातिक प्रतिनिधित्व याकेत नेवाः देय् दबू सदां संघर्षशील जुयाच्वनीगु प्रतिवद्धता प्वंकादीगु दु ।
देय् दबूलिं नेपाल संवतयात व्यवहारिक कथं छ्यलाबुलाय् हयेत अध्ययन व सुझाव बिइत सरकारं नीस्वंगु कार्यदलयात लसकुस यासें उगु कार्यदलं माःगु ज्या याकनं यानाः थःगु प्रतिवेदन बिइ धकाः भलसा काःगु दु । अथेहे सरकारं नेपाल संवतया तिथियात राष्ट्रिय क्यालेन्डरय् दुथ्याकेगु व शंखधर साख्वाः राष्ट्रिय प्रतिष्ठान नीस्वनेगु धकाः याःगु निर्णययात नं दुनुगलिसें लसकुस याःगु दु ।
नापं नेवाः भाय्, लिपि व झीगु तजिलजि विकास व प्रवर्द्धन यायेत अग्रसर जुइत व नेवाः एकता क्वातुकेत फुक्कसियां ग्वाहालि सदां दयाच्वनी धकाः देय् दबूलिं भलसा काःगु दु ।
More Stories Like this
कन्याम इलामय् नेपालभाषा कक्षा न्ह्यात धिमे बाजं व भाषा प्रशिक्षण ज्याझ्वः क्वचाल थुर्पुय् स्वक्वःगु लाखे प्याखँ धेधेबल्ला ओखलढुंगाय् नेपालभाषा कक्षा क्वचाल नेवाः देय् दबू ओखलढुंगा तदर्थ समिति स्वन
