न्हुदँ वल धायेमतेनि [चिनाखँ]

डा शान्त वीर सिंह तुलाधर

अहो न्हुदँ वल धयाला झीसं ,
पाल्चा च्याकाः झः झः धाःगु ,
भिंतुना जुलुसं दे थ्वयेकुगु,
खेलु इताः च्याका म्हपुजा याःगु ,
थ्व फुक्कं खनाः न्हुदं वल धयाला,

शंखधर आजु ऋण मुक्त याना,
नेपाः मि सकस्यां ख्वाः न्हियलां जायेका,
झः झः धायेका देन्यंक म्हपुजा याःगु,
नेपाल संवत् नामं न्हुदँ छुमां ग्वःगु,
उगु दिनया दक्व जनताया दसा थ्व,

ख्वपया जुजु जःयात म्वा म्वाकं छ्वयेकाः,
किपुया जनतायात न्हाय् ध्यना,
झीगु जग्गा पुखु दक्वं दुकया,
झी जनताया हि त्वनाः लाफ पियाः ,
यापिं शासक व शोषकया ल्यं पुल्यं अझं दनि,

ल्वहं हिति वहः हिति लुं हिति हायेकाः,
तुं वुंगालं प्रकतिया नीलः वयेकाः,
चुक ननि वहाः पुखु देगः दयेका,
म्हितेग तिंन्हु ख्य गुलिखे दयेकाः,
वांलाःगु लकसय् म्वाय् खनाच्वंगु,

वुसा निसें लखया झ्वलय् ऋण क्ववुया,
नेपाःमि दक्वस्यां छ्यलाच्वंगु नेपालभाषा ,
थौं नेवाःतय् दथुइ तकं ल्हायेगु थाकुका,
छगु जातिया भाय्यात जक च्वच्छाया,
नेपालभाषा,लिपि संस्कृति व्याक्क लिकुंकाः,

थुजोगु अवस्थाय् न्हुद वल गय् धायेगु ,
विश्व बैक एबि बैकया रीन मुक्त जुइका,
सकस्या नये, त्वने, पुने,च्वने, म्हिते,ब्वने दया,
भिं उसाय,भिं लकसय् च्वने दया,
सकल जनताया उतिंग्यंगु वां दयेका,

नेपाल भाषायात नं राष्ट्र भाषा धायेका,
नेपाल लिपिया राष्ट् लिपिया घोषना जुइका,
लाकाकया तःगु फुक्कं चौर लित बिया,
थाय्थासय् मस्त म्हितेगु पार्क दयेका,
सकल नेपाःमिं न्हि्यलेदयेवं, धात्थेंया न्हुदं हनेगु जुइ,

किपा:- विनोद परिहास महर्जन

More Stories Like this