इलामय् सांस्कृतिक व मोटरसाइकल र्याली
नेपालभाषा व संस्कृति समाज इलामया ग्वसालय् नेपाल संवत् ११३२ हनेगु ज्याझ्वः क्वचागु दु । न्हूद्ँ हनेगु झ्वःलय् इलाम सदरमुकामय् सांस्कृतिक र्याली व मोटरसाईक र्याली पिथगु खः ।
सांस्कृतिक र्याली इलाम सदरमुकाम चाहिला सुनगाभा विकास सस्थांया चुकय् थ्यंकाः छगू कोण सभाय् परिणत जूगु खः । अथेहे इलामया सदरमुकामस्थित नारायण द्यः नं न्ह्याःगु मोटरसाइकल र्याली विब्ल्याटे बजार व सदरमुकामया थीथी थाय् चाहिउगु खः ।
सांस्कृतिक र्याली लिपा जूगु कोणसभाय् न्ववागु झ्वलय् इतिहासविद् युद्धप्रसाद बैद्यं नेपाल संवत् नेपाःया आधिकारिक संवत् जुगुलि व्यवहारिक रूपं छ्यलेमाःगु धयादिल । अथेहे नेवाः देय् दबू जिल्ला कार्यसमिति इलामया छ्याञ्जे कमल श्रेष्ठं 'नेपाःया ऐतिहासिक पृष्ठभूमि व वर्तमान अवस्था' विषयस कार्यपत्र न्ह्यःब्वयादीगु खः ।
ज्याझ्वलय् मिना ताम्राकार, मानबहादुर खड्गी, व विनोद श्रेष्ठं नं थःथःगु नुगः खँ प्वंकादीगु खः । ज्याझ्वलय् नेपाल भाषा तथा संस्कृति समाज इलामं वइगु कछलाथ्व दशमि खुन्हुनिसें नेपाल भाषा प्रशिक्षण ज्याझ्वः न्ह्याकेत्यंगु जानकारी बिउगु खः ।
More Stories Like this
कन्याम इलामय् नेपालभाषा कक्षा न्ह्यात धिमे बाजं व भाषा प्रशिक्षण ज्याझ्वः क्वचाल थुर्पुय् स्वक्वःगु लाखे प्याखँ धेधेबल्ला ओखलढुंगाय् नेपालभाषा कक्षा क्वचाल नेवाः देय् दबू ओखलढुंगा तदर्थ समिति स्वन
