लखुतीर्थनाप स्वानाच्वंगु नेपाल सम्वत
नेपाल संवतया पलिस्था नाप आतिकं महत्वपूर्णरुपं स्वा:गु लखुतीर्थया थौंकन्हय्या स्थिति स्वयेवलय् थुगु थासय् छगू इलय् अतिकं बांला:गु खुसिचा बा: वयेगु या: धैगु खँ परिकल्पना जक थें जुइफु । लखुतीर्थ नेवा:तय् धार्मिक व सांस्कृतिक रुपं नं उतिकं हे महत्वपुर्ण तीर्थ ख: । थन थीथीकथं तीर्थ नाला: धलं दं वयेगु पुजाआजा या: वयेगु चलन नं दु । अले राष्टि्रय विभुति शंखधर साख्वा:नं नेपाल संवतया पलिस्था यायेगु ज्याय् थुगु थासय् दकलय् महत्वपुर्ण स्थानया रुपय् कायेछिं । नेपाल संवतया मुल स्रोत थ्व हे ख: धका: नं धायेछिं थुगु थासं क्वबुया ह:गु फी लुं दुगु अले व हे लुँया कु न्याना: शंखधरं जनताया ऋण पुला: मुक्त याना: नेपाल संवत पलिस्था यानादीगु खँ धायेगु या: । थुगु ल्याखं स्वयेगु ख:सा लखुतीर्थ नेपाल सम्बत स्थापनाया मुहान कथं कायेमा: । थज्या:गु एेतिहासिक धार्मिक संास्कृतिक रुपं अतिक महत्वं जा:गु लखुतीर्थयात थौंकन्हय् छंु नं संघसंस्था व सरकारी निकायं धा:सा भति नं वास्ता या:गु खनेमदु । थुगु थासय् परापुर्वकालंनिसें छपु चिकिचाधंगु खुसिचा बा:वयाच्वंगु ख: । अले उगु खुसिचा निम्ह सिंहया दथुइसं झ्वार्गाना: क्वाहां वना: घाटया सिथं सिथं ल:बा: वना: विष्णुमति खुसी ल्वाक ज्याना च्वंगु ख: । थुगु इलय् उगु थासय् थीथी निर्माणया झ्वलय् ल: झ्वारा गाइगु थासय् दुगु निम्ह सिंहया मुर्तिमध्ये छम्ह ला ल्हाना: अनला: थनला: मदये धुंकल धा:सा मेम्ह सिंहया छ्यं छग: जक खने दनि । अले यच्चुक वा: वइगु खुसिचा त्वपुवना: फोहर वा वइगु ध:चा दयेका तये धुंकूगु दु । मेखे थनया पुरातात्विक महत्वं जा:गु थीथी मुर्ति शिलापत्र उखेला थुखेला मदये धुंकुगु दु । थुकथं नेपाल संवतया स्थापनाया मुल लखुतीर्थया छगू कथं धायेगु ख:सा अस्तित्वतकं मदये धुंकूगु दु । नेपाल सम्बतयात कया: ता:हाक:गु आन्दोलन धुंका: नेपाल सरकारं थुकियात राष्टि्रय सम्बतया मान्यता धुंकूगु स्थिति दु अथे हे शंखधर साख्वा:यात राष्टि्रय विभुति नं घोषणा याये धुंकूगु दु । थज्या:गु अवस्थाय् नेपाल संवत स्थापनाया नितिं अतिकं महत्वपुर्ण थाय् लखुतीर्थया बारे सुयां नं ध्यान मवना च्वंगु खँ धैगु अजूचायापुसे च्वंगु खँ ख: । थुगु ल्याखं नेपाल संवतया राष्टि्रय संवत् धायेकेत जीवन हे याना वा:पिसं तकं विचा: या:गु खनेमदु । खय्तला खुसिया फि लुँ जुल धैगु छगु न्ह्यैपुगु लोकबाखं थें जक नं जुइफु तर दुगु खँ न्हापा यानास्व:गु थीथी अध्ययनं न क्यने धुंकूगु दु । थुगु ल्याखं लखुतीथर्ं ह:गु फी लु दुगु खँय् ब: बी । लुुखुतीर्थयात सुवर्ण तीर्थ नं धाल । थुगु ल्याखं स्वयेगु ख:सा थथे फिनापं लुँ ल्वाक ज्याना: बहा: वइगु खुसिचा जूगुलिं हे थुगु थाय्यात सुवर्ण तीर्थ धका: नं धा:गु जुइफु । थुगु सम्बन्धय् यक्व खँ त नं पिहां वयेफु । तर लखुतीर्थया संरक्षण सम्बर्द्धनयात कया: नेवा:तय्सं बांलाक ध्यानं बीमा:गु खनेदु ।
News Location:
More Stories Like this
नेवा: आन्दोलनया उपलब्धी जनजाति आन्दोलनय् नेतृत्वया सवाल सामुद्रिक रेशमया लँ सम्बन्धी न्हापांगु एक्स्पो जनजाति आन्दोलनय् पद्मरत्नया नेतृत्व हिन्दूराष्ट्रया खँ आ: छाय् ?
