न्हूदँया लसताय् नेवाः स्वायत्त राज्यया ध्वाँय्
येँ (सन्ध्या टाइम्स)/नेपाल संवत् ११३२ न्हूदँया लसताय् नेवाः देय्गुथि नेपालमण्डलपाखें थौं सुथय् बसन्तपू लागाय् नेपाः व नेवाः स्वायत्त राज्यया ध्वाँय् ब्वयेकेगु ज्या यात। नेपाल संवत् राष्ट्रिय न्हूदँ समारोह समिति-११३२ या नायः पद्मरत्न तुलाधर व देय् गुथिया नायः मोहनबहादुर महर्जनं उगु ध्वाँय् ब्वयेकूगु खः। ज्याझ्वलय् उपप्रधानमन्त्री लिसें परराष्ट्रमन्त्री नारायणकाजी श्रेष्ठ झाःगु खःसा देय्गुथिया संरक्षक राजेन्द्र श्रेष्ठ, सभासद बुद्ध साय्मि, मंगलसिद्धि मानन्धर, सपना प्रधान मल्ल, देय् दबूया नायः नरेश ताम्राकार व मल्ल के. सुन्दरपिंसं न्ववानादीगु खः ।
