थौं लक्ष्मीपुजा, कन्हय् म्हपुजा, कंस किजापुजा

येँ (सन्ध्या टाइम्स)/स्वन्तिया झ्वलय् थौं लक्ष्मीपुजा। नेवाःतय्सं थःथःगु छेँय् बँ थिलाः धुकू वा, जाकि नापं अन्न, तुफि तयाः पुजा याइगु चलन दु। थनिंनिसें हे स्वन्हु तक मत च्याकेगु नं याइ। अथे हे कन्हय् म्हपुजा। ख्यें सगं कयाः शरीर पुजा याइगु नेवाःतय्गु म्हपुजा मौलिक संस्कृति खः। दच्छि तक जीवनय् छुं नं समस्या मवयेमा नापं जीवन सफल जुइमा धकाः म्हपुजा याइगु खः। उकथं हे कंस किजापुजा। थः किजा व दाजुपिंत दीर्घायुया कामना यानाः पुजा याइगुयात हे किजापुजा धाइगु खः ।