टेक्सास राज्यय् नेवाः भ्वय्
टेक्सास/नेपाल संवत् ११३२ न्हूदँ म्हपुजा नखःया लसताय् अमेरिकाया टेक्सास राज्यय् वंगु आइतवाः छगू नेवाः भ्वय् ज्याझ्वः जुल। नेपाल नेवाः एशोसियसन, टेक्सास, नेपाली समाज टेक्सास व नेपालभाषाया रेडियो ज्याझ्वः 'झीगु सः'या मंकाः ग्वसालय् जूगु नेवाः भ्वय् खुसलं मल्याक मनस्तय्सं ब्वति काःगु खः। उगु इलय् स्थानीय कलाकारतय्सं थीथी हुलाप्याखं, म्येँ, धिमय् बाजं लगायतया सांस्कृतिक ज्याझ्वः नं न्ह्यब्वःगु खःसा चित्रकलाया नं प्रदर्शन याःगु खः। झ्वः भ्वय्या हे दथुइ निगू मन्दः च्वयाः ब्वज्या नं याःगु खः। न्याघौ तक न्ह्याःगु भ्वजय् दक्वं नसाः नेवाः पहःया हे जक नकेगु ज्या जूगु खः ।
