धम्मावती गुरुमांया स्वास्थ्य बांलाना वल

येँ(सन्ध्या टाइम्स)/भारतया न्हूदिल्लीस्थित बिएल कपुर मेमोरियल अस्पतालय् वासः याका बिज्यानाच्वंम्ह धम्मावती गुरुमांया स्वास्थ्य सुधार जुया वःगु दु। वय्कःया उपचारय् संलग्न डा. गंगा राव व डा. रजत शाहलिसे येँनं स्वापू तःगु इलय् उकथं जानकारी बिउगु खः। म्हिगः पिसाबया पाइप लिकायेगु ज्या जूगु नापं थनिंनिसें न्यासि वने फयेधुंकूम्ह गुरुमांयात लच्छि लिपा डिस्चार्ज याइगु संभावना दु धाःगु दु।