लुम्बिनीत ध्यबा मालेत अमेरिका वनीगु

येँ (सन्ध्या टाइम्स)/युवा स्वरोजगार ज्याझ्वःया उपाध्यक्ष पदय् सरकारं डा. पुण्य रेग्मीयात नियुक्ति याःगु दु। लिसें माओवादी अध्यक्ष प्रचण्डया नेतृत्वय् नीस्वंगु 'उच्चस्तरीय लुम्बिनी विकास राष्ट्रिय निर्देशन समिति'यात लुम्बिनीया बृहत् विकासया निंतिं आर्थिक नापं मेमेगु सहयोग मुंकेत अमेरिका छ्वयेगु निर्णय नं याःगु दु। अथे हे बैठकं साउदी अरबया युवराज सुल्तान अब्दुल अजिल अल साउदया अन्त्येष्टिइ वन मन्त्री मो. वकिल मुसलमानयात छ्वयेगु निर्णय नं याःगु दु।