प्रम व उपप्रमया संवोधनय् नं न्हूदँ

येँ(सन्ध्या टाइम्स)/ने.सं. यात राष्ट्रिय मान्यता बीगु ल्याः कथं प्रधानमन्त्री व उपप्रधानमन्त्रीपिंसं थःपिनि औपचारिक संवोधनय् नं नेपाल संवत् ११३२ न्हूदँया भिंतुना बीगु याना हःगु दु। म्हिगः जूगु ११ क्वःगु सशस्त्र प्रहरी दिवसया थःपिनि औपचारिक संवोधनय् प्रधानमन्त्री डा. बाबुराम भट्टराई व उपप्रधान नापं गृहमन्त्री विजय गच्छेदारं नेपाल संवत् ११३२ या लसताय् भिंतुना बियादीगु खः। सशस्त्र प्रहरीयात भिंतुना बीगु झ्वलय् वय्कःपिंसं न्हूदँया भिंतुना धकाः नं संवोधन यानादीगु खः। अझ गच्छेदारं ला 'भिंतुना दिन चाहन्छु' धकाः न्ववानादीगु खः।