बुनाः
अनिक शाक्य
जिं थःगु लकस खनाः
अन थेनेत कुतः फक्वः यानाः
मनय् द-दक्वः स्याचाः घानाः
म्हगस दुनय् म्हगस दनाः
अहिसाब कुतःया लिच्वः दुःख ज्वनाः
दुःखया माः हनाः थ्व चिनाखँ बुनाः
गबलें चच्छि नगु स्वयाः ई छ्यानाः
गबलें थःगु बाध्यताय् ख्वया नं द्यनाः
छन्त ख्वये मते धया, जि ख्वयाच्वना
छं खने वं अटोमेटिक दिनाः
हानं छंके दुःख फ्वनाः
दुःखया माः हनाः थ्व चिनाखः बुनाः
खिमिलाया निंतिं ख्वबि पाहां ब्वनाः
सितु छपु ज्वनाः हरियालि आस यानाः
स्वांया नस्वाः मखु कंया पीडा लानाः
थःगु नुगः थःम्हं चानाः
थःत थःम्हं सीपाँय् थ्यनाः
दुःखया माः हनाः थ्व चिनाखँ बुनाः
छगु ई मृत्यु खनाः
सी ला धकाः अति ग्यानाः
कुँ वल लकस च्यानाः
म्हगसय् नं व हे क्यनाः
नुगः ज्वल तर दुःख ल्यनाः
दुःखया माः हनाः थ्व चिनाखँ बुनाः
सुथ जुल चाः फुनाः
सुख मवः दुःख दुनाः
थःगु नां थःम्हं दुःख छुनाः
दुःख सहयाये फयेमा मनंतुनाः
नुगः न्यंक दुःख मुनाः
दुःखया माः हनाः थ्व चिनाखँ बुनाः
Related Stories
ज्वी फु जि थः हे मतिनाMore Stories Like this
मांया ख्वाः स्वये नेवाः हाइकु निलापौ नेवाः हाइकु निलापौ नेवाः हाइकु निलापौ नेवाः हाइकु निलापौ
