संविधानसभा भवन पिने क्वःतय्गु सम्मेलन
येँ (सन्ध्या टाइम्स)/ स्वन्ति नखःया न्हापांगु न्हि थौं क्वःपुजा। तिथिया ल्याखं थौं क्वःपुजा कुन्हु गौतम सापकोटा 'चरी दादां' थौं न्हू बानेश्वरया संविधानसभा भवन पिने क्वःतय्गु सम्मेलन याइगु जूगु दु। म्हिगः देउराली क्लबं येँय् छगू पत्रकार सम्मेलन यासें क्वः सम्मेलनया जानकारी बिउगु खः। शान्ति व संविधानया निंतिं दबाव बीत थौं संविधानसभा भवन पिने क्वः सम्मेलन याये त्यनागु खँ भाजु सापकोटां कनादीगु दु ।
वंगु प्यदँ न्ह्यवंनिसें क्वःतय्गु सम्मेलन याना वयाच्वंम्ह सापकोटाया नां विश्वया १५१ ताजि झंगःतय्गु सः पिकाये फुम्ह मनू कथं 'गिनिज बुक अफ द वर्ल्ड रेकर्ड'य् दर्ता जुइधुंकूगु दु। तिथिया ल्याखं थनिंनिसें स्वन्ति नखः जूसां क्वःपुजा व खिचा पुजा धाःसा कन्हय् छन्हुं हे लाःगु खँ पञ्चाङ्ग निर्णायक समितिं धाःगु दु ।
कन्हय् सुथय् क्वःपुजा अले सनिलय् खिचा पुजा धकाः धाःगु दु। अथे हे कंस लक्ष्मी पुजा खःसा विहिवाः म्हपुजा अले शुक्रवाः किजापुजा खः ।
