गुरुमांया स्वास्थ्य बारे डाक्टरतय् सहलह

येँ (सन्ध्या टाइम्स)/भारतया न्हूदिल्लीस्थित बिएल कपुर मेमोरियल अस्पतालय् वासः याकाच्वंम्ह धम्मावती गुरुमांया स्वास्थ्य बारे थौं डाक्टरतय् सहलह जुइत्यंगु दु। सहलह लिपा वसपोलयात गज्याःगु उपचार यायेगु धकाः क्वःजीगु खँ धाःगु दु। उपचारय् संलग्न डा. रंगा रावं गुरुमांया स्वास्थ्यस्थिति बांलाना वयाच्वंगु नापं फोंगसया समस्या भचा जक ल्यं दनिगु नापं केमोथेरापिया साइड इफेक्ट कथं म्युकोसिप्स जूगु व उकिया उपचार नं सुरु जुइधुंकूगु दु ।