छम्ह हे मनूयात निगू सरकारी जागिर

दैलेख/थनया बिसल्ला गाविस ४ भुवाखाडाया रेखा शाहीं वंगु १८ दँ न्ह्यवंनिसें निगू सरकारी जागिर नयाच्वंगु खँ पत्ता लगे जूगु दु। दैलेखया तत्कालिन सांसद रंगबहादुर शाहीं थः भौ रेखायात २०५२ सालया पुस २२ गते प्राथमिक विद्यालयया शिक्षिका पदय् जागिर नकूगु खःसां वयां लछि लिपा हानं हुलाक प्रतिनिधि (बहिदार) पदय् जागिर नकूगु खः। थुकियात कयाः आः नकतिनि छगू उजुरी लायेवं थ्व खँ सार्वजनिक जूगु खः। उकथं निथाय् जागिर नयाच्वंगु खँ सिउसां नं निगुलिं ज्याकूपाखें वयागु बारे छुं कारवाही मयाःगु खँ नं आः वयाः सीदुगु दु ।