प्रचण्डया स्वापू 'रअ’ लिसे दुगु खुलासा
येँ (झीगु स्वनिगः)
एकीकृत नेकपा -माओवादी)या मूछ्याञ्जे रामबहादुर थापा बादलं पार्टीया नायः पुष्प कमल दाहाल प्रचण्डया भारतीय गुप्तचर संस्था 'रअ' नाप स्वापू दुगु खुलासा यानादीगु दु । इमिगु हे निदर्शनय् सेनाय् समायोजन जुइपिनिगु लडाकुया ल्याः म्हो याःगु खः धकाः धयादीगु दु । भरतपुरय् म्हिगः आइतवाः पत्रकार सम्मेलन यानाः नेता बादलं अथे धयादीगु खः । निला स्वला न्ह्यः पारिवारिक ज्याय् धकाः विराटनगर जुयाः सिलिगुडीइ वनाः नायः प्रचण्डं भारतया गुप्तचर संस्था 'रअ' या मनूयात नापलानावःगु व इमिगु हे निर्देशनय् १० हजारया थासय् ५ हजार जक लडाकु समायोजन यायेगु सहमति याःगु खः धकाः द्वपं बियादीगु दु ।
मूछ्याञ्जे थापां लडाकु कन्टेनरया ताःचा लःल्हाःगु विवाद चीधंगु मखुसे थ्व लडाकुया भविस्यनाप हे स्वानाच्व्रंगु नापं इमित निशस्त्रीकरण यायेगुपाखे उन्मुख खः धकाः नं धयादिल । सेना समायोजन अन्तर्गत १० हजार लडाकुया समायोजन व समूहगत प्रवेश पार्टीया बटमलाइन खः धकाः नं नेता बादलं दावी यानादिल ।
