बसन्तपुलिं र्याली यानाः खुलामंच वनीगु
येँ (सन्ध्या टाइम्स)/नेपाल संवत् राष्ट्रिय न्हूदँ समारोह समिति ११३२ पाखें न्हूदँ कुन्हु बसन्तपुलिं सांस्कृतिक भिंतुना र्याली पिकाइगु जूगु दु। समितिया वंगु शुक्रवाः च्वंगु मुँज्यां विहीवाः न्हूदँ कुन्हु सुथय् ७:३० बजे बसन्तपुली मुनाः झाँकी सहित भिंतुना र्याली पिकायेगु व चाःहिलेधुंकाः तप्यंक खुल्लामञ्चय् वनाः सभा यायेगु निर्णय याःगु खः। उगु सभाय् प्रधानमन्त्री डा. बाबुराम भट्टराईनं मूपाहां कथं संवोधन यानादीगु ज्याझ्वः दु। न्हूदँया ज्याझ्वः बारे माइकिंग व पर्चा इनाः प्रचार यायेगु निर्णय नं जूगु दु ।
