तरकारीया गाडी दुर्घटना

येँ (सन्ध्या टाइम्स)/मकवानपुरया नाम्टार गाविस वडा नं. ३ या लामिडाँडा धइगु थासय् तरकारी ज्वनावंगु जीप दुर्घटना जुयाः चालक नापं निम्ह सीगु दु। उकी लानाः मकवानपुरया आग्राहा गाविसय् च्वंम्ह चालक ३० दँया हिराकाजी थिङयात म्हसीकेफुसां मेम्ह सीम्हेसित धाःसा म्हसीके मफुनि।
पालुङं तरकारी ज्वनाः हेटौंडा वनाच्वंगु बा. २ ख ८६३४ नम्बरया टाटा मोबाइल फातापुलाः घटनास्थलय् हे निम्ह सीगु खः। घाःपाः छम्हेसित अस्पताल यंकूगु दु ।