इलामय् न्हूदँ हना समिति नीस्वन

Posted on Sun Oct 23, 2011 6:03 pm NST

नेवाः देय् दबू, जिल्ला कार्य समिति, इलामया नायः युद्ध प्रसाद बैदया नायःसुइ वंगु असोज २९ गते जूगु छगु मुँज्यां वय्कःया हे नायःसुई छगू न्हूदँ समारोह समिति-११३२ नीस्वंगु दु । इलाम जिल्ला १९ गु गाविसया गां कार्य समितिया प्रतिनिधिपिं दुथ्याका गठन जूगु समितिं न्हूदँया लसताय् भिंतुना र्याली यायेगु निर्णय याःगु दु । नापं उगु हे मुँज्याय् नायः युद्ध प्रसाद बैद्यं म्हपुजा यायेगु विधिया खँय् जानकारी न्ह्यव्वयादीगु खःसा १९ गूगु गाविसया गां प्रतिनिधिपिंत नेपाल संवतया प्रवर्तक शंखधर साख्वाःया किपाः इनेगु ज्याजूगु खः ।

थ्व सिवें न्ह्य: ने.सं. १११७ निसें नेपालभाषा तथा संस्कृति समाजया ग्वसालय् न्हूदँया भिंतुना र्याली नापं थीथी ज्याझ्वः न्ह्याका वयाच्वंगु खः ।