प्रधानमन्त्री भट्टराईं भारतया न्ह्यःने क्वछुत

वंगु कार्तिक ४ गते भारतया औपचारिक भ्रमणय् वंम्ह नेपाःया प्यम्हम्ह गणतान्त्रिक नेपाःया प्यम्हम्ह नेपाःया प्रधानमन्त्री डा. बाबुराम भट्टराईं एकीकृत नेकपा -माओवादी) या निर्देशन व नेपाली जनताया हित विपरित भारतनाप भारतीय लगानीया उद्योग कलकारखाना व व्यवसायत व्यवसायिक कारण वाहेक मेगु छुंनं कारणं वन्द जुल धाःसा उगु बन्दया बापत नेपाल सरकारं क्षतिपूर्ति वीगुकथंया सम्झौता पत्रय् ल्हाःचिं वःगु दु । उगु सम्झौता वंगु शुक्रवाः भारतया राजधानी न्हू दिल्लीइ नेपाःया प्रधानमन्त्री डा. भट्टराइ व भारतीय प्रधानमन्त्री डा. मनमोहन सिंहया उपस्थितिइ जूगु खः । प्रधानमन्त्री डा. भट्टराईं थ्व सम्झौताय् ल्हाःचिं तये न्ह्यः नत पार्टीया आदेशयात छक तक्क लुमंकेगु स्वःगु दु नत देशया हितयातहे कयाः । थुकिं वर्तमान सरकारं आत्म समर्पणया लँपु बांमलाक्क न्ह्यःने वने धुंकूगु संकेट व्यूगु दु ।

थुगु सम्झौता लिपा भारतपाखें लगानी अप्वः दुहां वइ लाकि मवइ धकाः स्पष्ट संकेट मव्यूसां भारतया लगानी नेपालय् सुरक्षित दु धयागु सन्देश वीत स्वःगु दु । भारतीय व्यापारीतय्त नेपालय् लगानी याकेत थुकिं गुलि आकषर्ीत याइ वा मयाइ धयागु खँ छख्य तयाः नेपाःया अर्थविद् व विश्लेषकतय्सं धाःसा मेकथंहे मूल्यांकन याःगु दु । भारत नेपाः स्वयाः तःधं । भारतं नेपालय् हस्तक्षेप यायेगु ज्यायात नं रुपान्तरण यायां यंकाच्वंगु अवस्थाय् डा. भट्टराईया थुगु सम्झौतां थप हस्तक्षेपया मौका विइगु ज्या याःगु दु । थुकीसनं राष्ट्रिय भावनां छु जुइमखु, आर्थिक समृद्धि व विकासं जक छुं जुइ धयादीम्ह प्रधानमन्त्री भट्टराईयाके देशया माया स्वयाः विदेशीतय्गु सेवा यायेगु अप्वः मनस्थिति दयेकाच्वंगु प्रष्ट दु । थुगु सम्झौता लिपा नेपालय् भारतीय लगानीया उद्योग कलखाना बन्दहे जुइमखु धयागु मदु । उद्योगया आन्तरिक व्यवस्थाया कारणं वाहेक मेमेगु गैर व्यवसायिक कारणं वन्द जुल धाःसा उकिया क्षतिपूर्ति नेपाल सरकारयात पुइकी । दसिया नितिं चक्का जाम जुल, देश वन्द जुल वा लोडसेडिङ्गया कारण उद्योग वन्द जुल धाःसा नं उकिया क्षतिपूर्ति नेपाल सरकारं पुली । अथ्यहे सैनिक आक्रमण जुलसा प्राकृतिक कारण देशय् आपत्ति व मेमेगु छुंनं कारणं उद्योग वन्द जुल धाःसा छगू मखु छगू कारण न्ह्यथनाः भारतं नेपाल सरकारयाके क्षतिपूर्ति कयां त्वःती । थुकीसनं व्यवसायिक वा गैरव्यवसायिक धयागु थुकियात छुटय् याइगुहे सुनां ? थ्व अतिकं विवादास्पष्ट सम्झौता खः ।

थुगु सम्झौता यानाः प्रधानमन्त्री डा. भट्टराईं हानं छगू मेगु देशघाती ज्या यानादीगु दु । निम्हं प्रधानमन्त्री उपस्थितिइ नेपाःया उद्योगमन्त्री अनिलकुमार आः व भारतया वित्तमन्त्री प्रणव मुखर्जीं ल्हाःचिं तयादीगु खः । प्रधानमन्त्री डा. भट्टराइयापाखें उगु सम्झौता याःगु वापतं नेपाःयात २५० मिलियन अमेरिकी डलर अर्थात १९ अर्व ध्यबा ग्वाहालि यायेगु लोभ क्यंगु दु । उगु ध्यबा जलविद्युत, सिँचाइ, सतक व उर्जा सम्वन्धी क्षेत्रय् खर्च यायेमाः । तर क्व धाःसा मज्यूनि ।

थ्व वाहेक येँ निजगढया फास्ट ट्रयाक निजगढय् अन्तराष्ट्रिय विमान स्थल दयेकेगु, दोहोरो कर व थ विद्युत आयातया सम्वन्धय् नं सम्झौता आदि जुइ धाःसां थप होमवर्क मजूगु कारणं जुइमफुत । थ्व वाहेक अन्तराष्ट्रिय विमानास्थलय् एयर मार्सल तयेगु, सुपुर्दगी सन्धि आदिइ नं ल्हाः चिंत यंकेत मेख्यहे मखु । तर डा. भट्टराईयात थुगु खँय् छु मपाः कपाः मस्याकेगु ज्याय् धका धइगु खः । यथार्थय् सम्झौता यानाः डा. भट्टराई. नेपाःयात आर्थिक रुपं दास याकेत स्वःगु दु मधासे मगाःगु दु ।

More Stories Like this