संघर्ष समितिया तुच्चा

येँ (सन्ध्या टाइम्स)/नेपालभाषा एकेदमिया चान्सलर सत्यमोहन जोशीं यदि आः दयेकीगु संविधानं नेवाः स्वायत्त राज्य सुनिश्चित मयात धाःसा नेवाः पुस्तां दुःख सीगु खँ धयादीगु दु। नेवाः स्वायत्त राज्य मंकाः संघर्ष समितिं म्हिगः राष्ट्रिय सभागृहय् याःगु तुच्चा ज्याझ्वलय् न्ववासें वय्कलं थ्व खँ धयादीगु खः। ज्याझ्वलय् नेपाली कांग्रेसया उपसभापति रामचन्द्र पौडेल, माओवादीया प्रवक्ता दिनानाथ शर्मा, एमालेया केन्द्रीय दुजः सिद्धिलाल सिं आदिपिंसं नं न्ववानादीगु खः। ज्याझ्वलय् थीथी ख्यःया नेवाःतय् सहभागिता दुगु खः ।