दिल्लीइ धम्मावती गुरुमांया उपचार
येँ (सन्ध्या टाइम्स)/थप वासः याकेत भारतया न्हूदिल्ली बिज्याःम्ह धम्मावती गुरुमां म्हिगः अनया बीएल कपुर मेमोरियल हस्पिटलय् भर्ना जुयाबिज्यात। वसपोलयात म्हिगः अनया वरिष्ठ चिकित्सक डा. रंग रावं परीक्षण यानादीगु खः। थौं थप परीक्षण जुइत्यंगु दु। म्हिगःया परीक्षण लिपा वसपोलयात याकनं डिस्चार्ज याये फइगु खँ चिकित्सकतय्सं धाःगु दु। अय्नं अन थप सल्लाह यायेगु लागिं नेपालय् वसपोलया उपचार यानादीम्ह डा. सुदिप श्रेष्ठ नं थौं उखे झायेत्यंगु खँ सीदुगु दु। म्हिगः वसपोललिसें न्हूदिल्ली झाःम्ह डा. उजित कर्माचार्य धाःसा कन्हय् लिहां झाइगु जूगु दु ।
वसपोलया लिसें भाजु मदनरत्न मानन्धरया नेतृत्वय् मेपिं च्याम्हेसिया पुचः नं उखे वनाच्वंगु दु। येँय् जुयाच्वंगु उपचारय् हे धम्मावती गुरुमांया स्वास्थ्यय् सुधार वःगु खःसां अन परीक्षणया लागिं न्हू दिल्ली बिज्याःगु खः ।
